Ўзбекистон Республикаси Бандлик ва меҳнат муносабатлари вазири Нозим Хусанов ташрифи давомида Бухоро туманидаги ойнаванд замонавий иссиқхоналар қуриш, помидор маҳсулотлари етиштиришга ихтисослаштирилган “Варнет” корхонасида бўлиб, бу ерда иссиқхоначиликни ривожлантириш бўйича амалга оширилаётган ишлар, тажрибалар билан танишди.
Маълумот ўрнида айтиш мумкинки, мазкур корхона “Бухоро агро” эркин иқтисодий зонаси ҳудудида жойлашган. Гидропоника усулида маҳсулот етиштирилаётган иссиқхона сабзавотлари Россия ва Қозоқистон давлатларига экспорт қилинади. Бу ерда 400 га яқин ишчи меҳнат билан банд. Корхона ҳудудининг 30 гектарида иссиқхона қурилган бўлиб, 13 гектарида ҳосил етиштирилмоқда. Қолган қисмларида қурилиш ишлари олиб борилаяпти.
Бугун Уй-жой коммунал хизмат кўрсатиш вазири Шерзод Ҳидоятов Бухоро вилоятига ташрифи давомида, Олот туманидаги “Икки даҳа” (Двойник) сув иншоотида бўлиб, олиб борилган бунёдкорлик ишлари билан ҳамда аҳолини сифатли ва тоза ичимлик суви билан таъминлаш жараёнлари билан яқиндан танишди.
Ташриф давомида ушбу иншоотни янада такомиллаштириш, келгусида соҳага замонавий технологияларни амалиётда қўллаш юзасидан мутасаддиларга ўз тавсияларини бериб, шунингдек, иншоот ходимлари билан суҳбат қуриб, фикр алмашди.
