Кеча Когон шаҳар Темирйўлчилар истироҳат боғида «Ўзбекистон темир йўллари» акциядорлик жамиятида соҳа ходимларининг касб байрамига бағишланган тантанали тадбир бўлиб ўтди. Унда Когон шаҳар ҳокими Ҳаёт Давлатов, сектор раҳбарлари, Бухоро минтақавий темир йўл узели раҳбари Алижон Эргашев унинг ўринбосарлари, бошқарма бошлиқлари ҳамда бир гуруҳ темирйўлчилар, мукофот соҳиблари иштирок этишди.
Байрам тадбирида Ҳаёт Давлатов сўзга чиқиб барча темирйўлчиларни Ўзбекистон Республикаси мустақиллигининг 31 йиллиги ҳамда Темирйўлчилар касб байрами билан муборакбод этди.
Темирйўл соҳасида узоқ йиллик самарали меҳнати, ишдаги ютуқлари ва ташаббус кўрсатганлиги муносабати билан бир гуруҳ фидоийлар эсдалик совғалари билан тақдирланди.
