Бугун, 4 апрель куни Ромитан тумани 1-секторга қарашли “Азизон” маҳалла фуқаролар йиғинидаги Ибратли оилада туман Оила ва хотин-қизлар бўлими томонидан “Сумалак сайли” тадбири ташкил қилинди.
Сумалак сайлида туман ҳокими Умеджон Барноев, Ўзбекистонда хизмат кўрсатган артист Гулбаҳор Эрқулова, Республика “Маърифат” тарғиботчилари жамияти аъзолари – Фалсафа фанлари бўйича фалсафа доктори Мунира Қаҳҳорова, Сиёсий фанлари доктори, доцент Даврон Муитовлар иштирок этишди.
Дошқозонда баҳорий таом-сумалак тайёрланиб, аҳоли кайфиятини кўтариш мақсадида мусиқий дастур ҳам ташкил этилди. Ўзбекистонда хизмат кўрсатган артист Гулбаҳор Эрқулова ижросидаги куй-қўшиқлар барчанинг олқишига сазовор бўлди.
Шунингдек, Республикамиз бўйлаб амалга оширилаётган жараёнлар, айниқса референдумни уюшқоқлик билан ўтказиш, фаол иштирок етиш, яратилиб берилаётган имкониятлардан рози бўлиб, шукроналик ҳисси билан яшаш ҳақида ёши улуғлар, Хотин-қизларимиздан Тўтигул опа Мажидова, ўз сўзларида маҳалламиз аёллари номидан хурсандчиликларини билдирди ҳамда Тўтигул опага Республика Маънавият ва маърифат маркази вилоят бўлими томонидан микротўлқинли печ берилди.
Сумалак сайли кишиларда бирдамлик ва аҳиллик ҳиссини тарбиялаш билан бирга инсонларда меҳр-оқибат, хайру саховат каби чин инсоний фазилатларни шакллантиришга хизмат қилади.
Бу каби тадбирлар туманнинг барча маҳаллаларида давом этмоқда.
