Ромитан туман ҳокими Умеджон Барноев томонидан 1-секторга қарашли Ўзбекистон маҳалла фуқаролар йиғини биносида Азизон маҳалла аҳолиси билан сайёр қабул ва ёшлар билан учрашув бўлиб ўтди.
Унда аҳолининг мурожаатлари, масалаларини кўриб чиқиш ва ҳал этиш учун туман Халқ қабулхонаси мудири, туман ҳокими ўринбосарлари, ҳудуд депутатлари, тегишли ташкилот, корхона раҳбарлари, маҳалла бешлиги, маҳалла фаоллари ҳамда ёшлар иштирок этишди.
Ўтказилган қабулда фуқаролар томонидан тадбиркорлик қилиш учун ер майдони ажратиб бериш, субсидия асосида асбоб-ускуналар олиш, йўл чегараларини белгилаб бериш, электр таъминотидаги муаммони бартараф этишда кўмаклашиш, суюлтирилган газ баллони олишда амалий ёрдам кўрсатиш бўйича мурожаатлари тингланди ва атрофлича ўрганилди.
Сайёр қабул давомида аҳоли вакиллари томонидан 10 га яқин билдирилган мурожаатларнинг 6 таси жойида жойида ҳал қилинди, 2 тасига тушунтириш берилди, қўшимча ўрганиш вақт талаб этадиган мурожаатлар юзасидан масъулларга тегишли кўрсатмалар берилиб, уларни кўриб чиқилиши назоратга олинди.
