Бу ҳақда Соғлиқни сақлаш вазири матбуот котиби Фурқат Санаев хабар берди
📲Ижтимоий тармоқларда шифохонада вафот этган беморларнинг жасадини яқинларига топшириш жараёнига оид тарқалган миш-мишлар юзасидан Соғлиқни сақлаш вазирлиги ахборот хизмати қуйидагиларни маълум қилади:
🧑🔬Бемор вафот этган тақдирда ҳеч қачон бирор шифокор уни шунчаки яқинларига бериб юбора олмайди. Бундай ҳолат юз берган тақдирда, ўша ходимга нисбатан чора қўрилади.
➖Шунингдек, жасадни унинг яқинларига бериш жараёнига даволовчи шифокор аралашмайди.
Иккинчидан, барча ишлар патологик анатомия муассасасида белгиланган тартибда бажарилади.
Қолаверса, муассаса ходими жасадни ўрашдан олдин, албатта унинг юзини яқинларига кўрсатиб, аниқлик киритади. Барча жараёнлар ҳужжатда тўла акс этади, — деди Республика патологик анатомия маркази директори, профессор Ражаббой Исроилов.
⚰️Ҳозирги кунда коронавирусдан вафот этган беморларни дафт этиш жараёнлари Фавқулодда вазиятлар вазирлиги ва Республика санитария эпидемиологик осойишталик агентлиги ходимлари иштирокида амалга оширилади.
❗️Ҳурматли юртдошлар, айни вақтда барчамиз коронавирус хавфини яхши сезиб турибмиз. Уни бартараф этиш учун мамлакатимиз раҳбарияти ва соғлиқни сақлаш тизими мутасаддилари ҳамда ходимлари томонидан барча чоралар кўрилмоқда. Шундай шароитда турли миш-миш ва асоссиз хабарларга ишониб қолмаслигингизни сўраб қоламиз.
🔗Инсонлар ҳаёти ва қадр қимматига дахл қилувчи ҳолатлар аниқланса, унга сабабчи бўлганлар қонун олдида жавоб беради. Асоссиз хабарлар тарқатиб, одамлар орасида ваҳима уйғотишга уринганлар ҳам ўз жазосини олади.
