Семинарни туман ХТБ мудири Ш.Садуллаев таълимдаги ислоҳотлар, янги яратилган дарсликлар ва ўқитувчиларнинг ўқувчиларга билим беришда янги замонавий ёндашувларга таяниши борасидаги фикрлари билан очиб берди.
Семинар иштирокчилари 18-умумтаълим мактабида фаолият юритаётган И.Герцен номидаги Россия Давлат педагогика университети мутахассиси Р.Салимгарееванинг дарсларини кўришга, мастер классларида иштирок этишга ва бевосита тажриба алмашишга муваффақ бўлишди.
Шунингдек, семинар доирасида ўқитувчилар «Миллий ўқув дастури» асосида яратилган янги дарсликлар борасида фикрлашдилар, замонавий методлардан бохабар бўлишди. Бадиий дастур ҳам иштирокчи ва меҳмонларда катта таассурот қолдирди.
