Нотариал ҳаракатларни расмийлаштиришдаги давлат божи тўловлари камайтирилмоқда:
Ўзбекистон Республикаси Олий Мажлиси Сенатининг ўттиз бешинчи ялпи мажлисида Адлия вазирлиги томонидан ишлаб чиқилган “Давлат божи тўғрисида”ги Ўзбекистон Республикаси Қонунига ўзгартиш ва қўшимчалар киритиш ҳақида”ги қонун лойиҳаси маъқулланди.
Қонун лойиҳасига кўра,
🔹автомототранспорт воситаларини бошқа шахсга ўтказиш шартномаларини тасдиқлаганлик учун (двигатель қуввати ҳамда ишлаб чиқарилган муддатидан қатъий назар) БҲМнинг 3 баравари (ҳозирда 900 минг сўм) миқдорида давлат божи ундириш;
🔹Кўчмас мол-мулкни бошқа шахсга ўтказиш билан боғлиқ шартномаларни тасдиқлаганлик учун агар кўчмас мол-мулк Тошкент, Нукус шаҳарлари ва вилоят марказларида жойлашган бўлса (кв.м дан қатъий назар) БҲМнинг 1 баравари (ҳозирда 300 минг сўм), бошқа аҳоли пунктларида жойлашган бўлса БҲМнинг 50 фоизи (ҳозирда 150 минг сўм) миқдорда давлат божи ундириш;
🔹Гаров, ипотека ва лизинг шартномаларини тасдиқлашда жисмоний шахсларга БҲМнинг 1 баравари (ҳозирда 300 минг сўм), юридик шахсларга БҲМнинг 2 баравари (ҳозирда 600 минг сўм) миқдорда давлат божи ундириш;
🔹Қарз шартномаларини тасдиқлашда шартнома суммасидан қатъий назар БҲМнинг 25 фоизи қилиб белгилаш;
🔹Шахсий жамғариб бориладиган пенсия ҳисобварағидаги пул маблағлари учун меросга бўлган ҳуқуқи тўғрисида гувоҳнома берганлик учун давлат божидан тўлашдан озод этиш имконияти яратилди.
