Яна бир оила қайта тикланди

Оила муқаддас даргоҳ. Оиладаги тотувлик ва аҳиллик кишининг ҳаётга муҳаббат, касбга садоқат, атрофдаги инсонларга нисбатан ҳурмат ва эътиборни шакллантиради.
Оиланинг тинч, фарзандларнинг бахтли бўлишида эр-хотиннинг оиладаги ўз бурчларини астойдил адо этишларига боғлиқ. 
Бюро органлари иш юритувидаги алимент ундирувлари билан боғлиқ ижро ишлари бўйича ўтказилаётган ижро ҳаракатлар давомида оилаларни қайта тиклашга алоҳида эътибор қаратилмоқда.
Масалан, Бюронинг Вобкент туман бўлими иш юритувида Фуқаролик ишлари бўйича Пешкў туманлараро судининг 13.04.2022 йилдаги ижро ҳужжатига асосан қарздор Н.Садировдан ундирувчи Д.Жалилова фойдасига 3 нафар вояга етмаган фарзандлари моддий таъминоти учун қарздорнинг ойлик иш ҳақи ва бошқа даромадларининг 1/2 қисми миқдорида алимент ундириш тўғрисида ижро ҳужжати мавжуд.
Қарздор томонидан алимент тўловлари белгиланган тартибда амалга оширилиб келинган бўлсада, давлат ижрочиси томонидан эр-хотин билан ўтказилган суҳбатда, ижро ҳужжати бўйича тарафларнинг қонунчиликдаги ҳуқуқ ва мажбуриятлари тушунтирилиши билан бир қаторда, оиланинг муқаддас даргоҳлиги, дарҳол қарор чиқармаслик ва фарзандлари бахтли бўлиши учун эр-хотин бир оила бўлиб, бирга яшашлари тушунтирган.
Мазкур суҳбатдан сўнг, эр-хотин ярашиб, алимент ундириш тўғрисидаги ижро хужжатини қайтариб олиш ҳақида мурожаат қилишган.
           Ундирувчининг аризасига кўра, Қонуннинг 40-моддаси 1-бандига асосан иш юритувдаги ижро иши юритишни тамомлаш ва ижро ҳужжатини  ундирувчига ижросиз қайтариш тўғрисида қарор қабул қилиниб, ижро ҳужжати ундирувчига ижросиз қайтарилди.
Ҳозирда, мазкур тадбирлар давом эттирилмоқда.       
Бюронинг Бухоро вилояти бошқармаси