2026/2027 ўқув йили учун олий таълим муассасаларига қабул натижалари эълон қилинди. Бу йил ўртача ўтиш баллари ҳам сезиларли ошган.
Якуний танлов натижаларига кўра, бакалавриат таълим йўналишларига 209,1 минг нафар абитуриент талабаликка тавсия этилди.
Уларнинг 52,8 минг нафари давлат гранти, 156,3 минг нафари эса тўлов-контракт асосида ўқиш имкониятига эга бўлди. Имтиёзлар асосида алоҳида қабул кўрсаткичлари доирасида яна 20,5 минг нафар абитуриент талабаликка тавсия этилган.
Бу йил давлат гранти бўйича ўртача ўтиш бали 134,6 балл, тўлов-контракт бўйича эса 93,7 баллни ташкил қилди.
Таққослаш учун, 2025/2026 ўқув йилида ушбу кўрсаткичлар мос равишда 121,8 ва 84,9 балл бўлган. Демак, бир йилда грант бўйича ўртача ўтиш бали 12,8 баллга, контракт бўйича эса 8,8 баллга ошган.
Абитуриентлар энг кўп танлаган ОТМлар қаторида Тошкент давлат иқтисодиёт университети, Ўзбекистон давлат жаҳон тиллари университети ва Ўзбекистон Миллий университети етакчилик қилган.
