Бу йил Ўзбекистонда энг улуғ ва энг азиз байрам давлатимиз мустақиллигининг 32 йиллиги тантана қилинмоқда. Ушбу байрам “Янги Ўзбекистонда эл азиз,инсон азиз” дея ўртага ташланган ёрқин ғоя остида ҳар бир оила ва хонадон, қишлоқ ва маҳалла, шаҳар ва туманлар, бутун Ўзбекистонда мисли кўрилмаган шодиёна остида нишонланмоқда.
Вобкент туманида ҳам байрам туман маданият бўлими бошчилигида Вобкент туманининг “Марказий ўйингоҳи”да ўтказилди.
Давлатимиз мадҳияси садолари остида бошланган тадбирда Вобкент туман ҳокимлиги раҳбарияти, меҳмонлар, фахрийлар ва туманимиз фуқаролари иштирок этди.
Хушовоз хонандалар Хулкар Абдуллаева ва қизиқчи, сўз устаси Нодирбек Ҳайитовлар, Мадания марказларининг чиқишлари барчага кўтаринки кайфият улашди.
Тадбир якунида туман ҳокими Ф.Умаров Президентимиз Шавкат Мирзиёев томонларидан “Тадбиркорлар куни” муносабати билан Ҳожиев Шабон Тўраевични “Меҳнат шуҳрати” ордени билан тақдирлаганлари тўғрисида юртдошларимизга айтиб ўтиб Шабон Ҳожиевни келгуси ишларида муваффақиятлар тилади.
