Бугун эрта тонгдан Бухоро вилояти 4-сектор раҳбари М.Маматханов ва унинг ишчи гуруҳи сектор ҳудудига кирувчи Қоровулбозор тумани ва Когон шаҳридаги ижтимоий соҳа объектларига электр энергияси, табиий ва суюлтирилган газ ҳамда кўмир маҳсулотини барқарор етказиб берилиши, хусусан, сўнгги кунларда кузатилаётган совуқ об-ҳаво шароитида ушбу биноларни иситиш ҳолатини ўрганди.
Жумладан, сектор раҳбари туман ҳокими билан биргаликда Қоровулбозор туман тиббиёт бирлашмасига қарашли ички касалликлар бўлимида бўлиб, ушбу муассасанинг қиш мавсумига тайёргарлик ҳолатини кўздан кечириб, масъулларга иссиқлик таъминоти барқарорлигини таъминлаш ва беморлар учун зарур шарт-шароитлар яратиш юзасидан тегишли кўрсатмалар берди.
Шу куни 4-сектор ишчи гуруҳи Когон шаҳридаги уй-жойи бўлмаган фуқароларни доимий яшаш яшаш реаблитация марказида ҳам бўлиб, айни пайтда бу ерда яшаб келаётган 55 нафар фуқароларнинг яшаш шароити ва муаммоларини ўргандилар. Уларга моддий ва маънавий ёрдам кўрсатиш мақсадида зарур озиқ-овқат маҳсулотларини етказиб бердилар.
