Ҳурматли тадбиркорлар, сизларни 20-август –«Тадбиркорлар куни» билан шахсан ўзим ва Бухоро вилояти давлат солиқ хизмати органлари ходимлари номидан табриклайман.
Тан олиб айтиш керак кейинги йилларда мамлакатимизда ишбилармонлик муҳитини яхшилаш йўлида амалга оширилаётган изчил ислоҳотлар натижасида фуқароларимизнинг тадбиркорлик фаолиятига бўлган ишончи ортиб бормоқда.
Эътиборлиси, кичик бизнес ва хусусий тадбиркорликка кенг йўл очиш, уларнинг олдидаги тўсиқларни бартараф этиш, шунингдек уларга билдирилаётган ишонч туфайли биргина Бухоро вилоятида 2022-йил январь-июль ойларида рўйхатдан ўтган янги солиқ тўловчилар сони 55 888 нафарни ташкил этди.
Бундан ташқари, Бухорода жорий йилнинг ўтган даврида тадбиркорлик субектларининг айланмаси аввалги йилга нисбатан 123,8 %га ўсгани ҳам бугун тадбиркорлик ва яратувчанлик халқимиз турмуш тарзига айланаётганидан дарак беради.
Биз доимо ана шундай янгиликка интилиб, янги иш ўринларини яратиб, халқимиз турмуш фаровонлигини оширишга ҳисса қўшиб келаётган Сиз азиз ишбилармонларни қўллаб-қувватлаймиз.
Ўз навбатида «Солиқчи-тадбиркорга кўмакчи» тамойили асосида барқарор фаолият юритишингизга яқиндан кўмак беришда давом этамиз.
Фурсатдан фойдаланиб, барча тадбиркор ва ишбилармонларни бугунги байрам билан табриклаб, юртимиз фаровонлиги йўлида амалга ошираётган ишларингизга улкан муваффақиятлар тилайман!
Мақсуд МАМАТХАНОВ,
Бухоро вилояти давлат солиқ бошқармаси бошлиғи.
