«Тўдакўл» дам олиш базаси ҳудудида Халқаро шахмат мактаби ташкил қилинади. Бу президентнинг 4 августдаги қарорида қайд этилган.
Халқаро мактабда Шахмат олимпиадаси ва Осиё ўйинлари, Жаҳон ва Осиё чемпионатлари, универсиадалар ҳамда бошқа мусобақаларда қатнашувчи халқаро даражадаги шахматчилар тайёрланади.
Шунингдек, 2023 йилдан бошлаб шахмат бўйича ҳар йили тизимли равишда қуйидагилар ўтказилади:
– Ёшлар ўртасида барча ҳудудларда «Рокировка» турнири;
– Кекса авлод вакиллари ўртасида «Нуронийлар» кубоги;- Ногиронлиги бўлган шахматчилар ўртасида «Чексиз имкон» турнири;
– 8 март — Халқаро хотин-қизлар кунига бағишланган «Women’s Chess Championship» халқаро турнири (мукофот фонди 50 000 АҚШ доллари);
– Мустақил Давлатлар Ҳамдўстлиги, Шанхай ҳамкорлик ташкилоти ва Туркий давлатлар ташкилотига аъзо мамлакатлар шахматчилари ўртасида анъанавий «Uzbekistan Chess Open» халқаро турнири.
