Байрам арафасида муҳтожларга меҳр-оқибат, хайр-саховат кўрсатиш эса халқимизга хос фазилатлардан биридир. Ромитан туманида ҳам муборак Қурбон ҳайити арафасида байрам туҳфалари тарқатилди.
Қурбон ҳайити – инсон шаъни ва қадрининг нечоғли юксаклигини кўрсатувчи хайр-саховат, меҳр-мурувват айёми, диллардаги гина-кудуратлар заволга кетиб, ўрнини унсу-улфат, дўстлик ва ҳамжиҳатлик эгалловчи поклик байрамидир.
Сектор раҳбарлари бошчилигида тумандаги «Темир дафтар»да турувчи эҳтиёжманд, боқувчисини йўқотган ва кўмакка муҳтож 235 та хонадон ҳолидан хабар олиниб, уларга байрам ҳадялари етказиб берилди.
