«Колхоз» бозорда икки сотувчи аёлнинг пуллари ўғирлаб кетилди
Бухоро шаҳар «Марказий деҳқон бозори»да сотувчи бўлиб ишлайдиган Ҳ.Шодия (исмлар ўзгартирилди) ва К.Зариналар шаҳар ИИОФМБ 2-сонли Ички ишлар бўлимига ариза билан мурожаат қилишди. Улар аризасида номалум шахс сумкасларини ўғирлаб кетишганини билдиришган. Бирининг сумкасида 500 АҚШ доллари ва 1 миллион 500 минг сўм, иккинчиникида эса 100 АҚШ доллари ҳамда 4 миллион 500 минг сўм пуллари бўлган.
Олиб борилган тезкор суриштирув ҳаракатлари давомида ушбу жиноятни Жондор тумани М.Таробий номли маҳаллада яшовчи Х.Донохон содир қилганлиги аниқланди. Шунингдек, ундан пул ва бошқа ашёвий далилиллар ҳужжатлаштириб олинди.
Ҳозирда Х.Донохонга нисбатан дастлабки тергов ҳаракатлари давом эттирилиб, унинг бошқа шу ва шунга ўхшаш жиноятларга алоқадорлигини аниқлашга қаратилган тезкор тадбирлар олиб борилмоқда.
