Бухорода “Кобалт” автомашинасининг газ балони ёрилиши оқибатида содир бўлган “портлаш” юзасидан расмий хабар

Бугун соат 18:40 ларда Бухоро шаҳар “И.Мўминов” кўчасидаги кўп қаватли 33/1 уй олдида тўхтаб турган оқ рангли “Кобалт” автомашинасида ўрнатилган метан газ балонида ёрилиш содир бўлган. Натижада автомашинанинг кузови ва ички қисмлари яроқсиз холга келган.
Содир бўлган ходиса натижасида фуқароларнинг ҳалок бўлиш ва тан жароҳати олиши билан боғлиқ ҳолат юз бермаган. Воқеа жойига вилоят прокуратураси, ИИБ, ИИБ ЙҲХБ, ФВБ ва бошқа хизматлар жалб этилган.