Президентимизнинг 2020 йил 10 ноябрдаги “Аҳолининг соғлом овқатланишини таъминлаш бўйича қўшимча чора-тадбирлар тўғрисида”ги ПҚ-4887-сонли қарорининг амалдаги ижроси юзасидан жорий йилнинг 19 апрель кунидан Республикамизда, жумладан Бухоро вилоятида ҳам “Боланинг соғлом овқатланиши ҳафталиги”ни юқори савияда ўтказилмоқда.
Маълумки, Соғлиқни сақлаш вазирлигининг тегишли кўрсатмасига мувофиқ, 2023 йилнинг 19 – 29 апрель кунларида “Боланинг соғлом овқатланиши ҳафталиги” ўтказилиши ва бунда 6-23 ойлик чақалоқлар учун мўлжалланган озуқа – “Микронутриент кукун”ларининг патронаж ҳамширалари томонидан бепул таъминланиши белгиланган.
Мазкур тадбирни юқори савияда ташкиллаштириш мақсадида дастлаб, бошқарманинг амалий семинари ўтказилиб, ҳудудий тиббиёт бирлашмаларининг оналик ва болаликни муҳофаза қилиш ҳамда амбулатория-поликлиника хизмати бўйича ўринбосарлари, бош педиатрлар, бош ҳамширалар ва патронаж ҳамшираларга 6-23 ойлик болалар учун уй шароитида тайёрланган овқатларни бойитиш учун микронутрентли қўшимчалар билан таъминлаш босқичлари ҳамда она сутининг бола саломатлиги учун афзалликлари тўғрисида батфсил тушунчалар бериб ўтилди.
Шу билан бирга, Бухоро вилоят соғлиқни сақлаш бошқармасининг тақсимоти асосида ушбу тадбир доирасида жами 38 454 ўрам 6-23 ойлик болалар учун уй шароитида тайёрланган овқатларни бойитиш учун микронутрентли қўшимчалар ҳудудий тиббиёт бирлашмаларига тарқатилди. Туман/шаҳар тиббиёт бирлашмалари, кўп тармоқли марказий поликлиника, оилавий поликлиника ва оилавий шифокорлик пунктларидан тиббий бригада патронаж ҳамширалари томонидан микронутриент кукунларини тасдиқланган 6-23 ойлик болалар рўйхатлари асосида оналарга бепул етказиш ва уни уй шароитида тайёрлаш бўйича индивидуал машғулотларни ўтказиш ишлари бошлаб юборилди.
Шунингдек, тиббиёт ходимлари томонидан хонадонларда “Ёш оналар мактаби” машғулотларида ёш оналар ва боланинг оила аъзолари билан 6 ойликкача болаларни мутлоқ она сути билан боқилишининг боланинг ақлий ва жисмоний ривожланишидаги аҳамияти ҳамда 6 ойликдан бошлаб болаларни қўшимча овқатлар билан тўғри овқатлантирилишини таъминлаш, уни парваришлаш бўйича суҳбатлар ўтказилмоқда.
Бундан ташқари, “Бир ёшгача болалар овқатланиши” ва “Болани парваришлаш ва ривожланиши учун услубий қўлланмалар” асосида тиббий-тарғибот ишлари олиб борилиб, ҳафталик байрамона тарзда ўтказилмоқда.
Шуни алоҳида таъкидлаб ўтиш жоизки, тадбир якунига қадар Соғлиқни сақлаш вазирлиги томонидан Бухоро вилоятига яна 8251 нафар болаларни қамраб олишга етарли бўлган 49 506 ўрам микронутриент кукунлари, яъни мультивитаминли қўшимчалар тақдим этилиб, бу каби тизимли ишлар давоб эттирилади.
Бухоро вилоят соғлиқни сақлаш бошқармаси бошлиғининг Оналик ва болаликни муҳофаза қилиш бўйича ўринбосари
Хушнуд Абдукаримович Жалилов
