“Работиқалмоқ”маҳалласида Ёшлар боғи ташкил этилди.
Яшил оламни сақлаш ва яшил ҳудудларни кенгайтириш давлат сиёсати даражасига кўтарилди. Президент Шавкат Мирзиёев томонидан илгари сурилган “Яшил макон” умуммиллий лойиҳаси шаҳар ва қишлоқларимизни яшил майдонга айлантириш, гўзал боғ-роғлар барпо этиш имконини бермоқда.
Жумладан, бугун Бухоро туманидаги “Работиқалмоқ” маҳалласида юртимизда давом этаётган “Яшил макон” умуммиллий лойиҳаси доирасида Ёшлар боғи ташкил этилди.
Шу куни туман ҳокими Хайрилло Жўраев, туман ИИБ бошлиғи Эркин Атоев, Ёшлар ишлари Агентлигининг маҳаллалардаги етакчилари ҳамда ёшлар иштирокида 200 тупдан ортиқ манзарали дарахт кўчатлари экилди.
