Президент Шавкат Мирзиёев раислигида жорий йилнинг 28 июнь куни ёшлар сиёсати соҳасидаги ишлар сарҳисоби, янги вазифа ва таклифлар муҳокамасига бағишланган видеоселектор йиғилишида берилган топшириқлар ижросини таъминлаш мақсадида бугун «Ўктам Иброҳим Тўқли» фермер хўжалигида туман сектор раҳбарлари иштирокида ёшлар муаммоларини ўрганиш, уларни ҳар томонлама қўллаб-қувватлашга қаратилган «Раҳбар ва ёшлар» учрашуви ташкил этилди.
Учрашувда туман ҳокими Анваржон Очилов бошчилигидаги сектор раҳбарлари, туман ҳокими ўринбосарлари, Ёшлар ишлари агентлиги бўлими масъуллари, ҳуқуқни муҳофаза қилувчи органлар ходимлари, тегишли ташкилот, корхона раҳбарлари, маҳалла вакиллари ҳамда муаммоси бор ёшлар иштирок этди.
Тадбир аввалида сўз олганлар сўнги йилларда мамлакатимизда, хусусан Бухоро туманида ёшлар сиёсати соҳасида эришилган ютуқлар ҳақида қисқача айтиб ўтди. Учрашув давомида ёшлар сектор раҳбарлари билан самимий мулоқот қилиб, ўзларининг ташаббус ва таклифларини билдиришди.
Очиқ, самимий тарзда кечган мулоқотда деҳқончилик фаолияти билан шуғулланиш учун ер майдони ажратиб бериш, кредит олишда амалий ёрдам кўрсатиш, контракт тўловини тўлашда кўмаклашиш, даволаниш харажатларини қоплаш бўйича тушган мурожаатлар тегишлилиги бўйича йўналтирилди.
Таклиф ва мурожаатларининг 8 таси жойида ҳал қилинди, 3 та мурожаат бўйича йўл-харитага киритишга топшириқ берилди ҳамда 1 та мурожаат муддат талаб қилиши айтиб тушунтириш берилди.
