“Бухоро сув таъминоти” корхонаси истеъмолчиларни алдамоқда(ми?)

Ичимлик суви учун тўлов қилганда бир нарсага эътибор беринг!
 
1 апрель 2024 йилдан ичимлик суви нархи м³ 3472 сўм бўлди, оқава хизмати 3136 сўм бўлди. Агарда уйингиз марказлашган иссиқ сув билан таъминланган бўлса, яна қўшимча оқава хизмати учун 2 коэффициентда ҳисобланади, бу яна +3136 сўм. Бунда 3472+3136+3136 = 9744 сўм бўлади.
 
        Агарда сиз 2 коэффициентга норози бўлсангиз, Бухоро Сув Таъминот корхонасига келиб ариза ёзиб қолдиришингиз мумкин, шунда иссиқ сувнинг оқава хизмати, иссиқ сув ўлчагичи бўйича ҳисобланади. Бу дегани агарда сиз иссиқ сувни совуқ сувга нисбатан камроқ ишлатсангиз, шунда сиз ишлатмаган сув учун ортиқча пул тўламайсиз.
 
Уйида марказлашган иссиқ суви йўқ хонадон эгалари 3472+3136 = 6608 сўм тўлайди холос!
 
         Бухоро шаҳар А.Жомий кўчаси 76-уй 7-хонадон эгаси С.З томонидан ишлатилмаган иссиқ сув ҳисоблагични, Бухоро шаҳар Сув таъминот корхонаси ходимлари томонидан инобатга олмасдан, ишлатилган совуқ сув ҳисоблагичга қараб 850000 сўм тўлатирилганлиги аниқланди.