Конференцияда БМТИ ректори Садоқат Сиддиқова, БухТИ ректори Шуҳрат Тешаев, БДУ ректори Обиджон Хамидов ҳамда ТИҚХММИ масъуллари ҳамда олийгоҳ проректорлари, Туркиянинг юқори рейтингли олийгоҳи – Отатурк Университети ректори Омер Чомакли иштирок этди.
Конференция якунлангач, Отатурк Университети ректори Омер Чомакли билан музокара бўлиб ўтди. Унда талабалар алмашинуви, профессор-ўқитувчилар учун малака ошириш ва стажировка дастурларини йўлга қўйиш, ҳамкорликда мақолалар чоп қилиш ва илмий ишлар олиб бориш ва ОТМлар таркибидаги техникум ва коллежлар билан академик ҳамкорликларни йўлга қўйиш бўйича музокара ўтказилди.
Алоқаларни мустаҳкамлаш мақсадида Шартнома имзоланди. Музокаралар давомида техника ва технология йўналишларида Қўшма Таълим Дастурларини йўлга қўйиш бўйича келишиб олинди.
