Бухоро давлат университетида 2025/2026 ўқув йили битирувчиларига бағишланган «Битирувчи–2026» тантанали диплом топшириш маросими юқори савияда ташкил этилди.
Тадбирда вилоят раҳбарияти, олий таълим муассасалари ректорлари, ҳуқуқ-тартибот органлари ва жамоатчилик вакиллари иштирок этиб, битирувчиларни мустақил ҳаётга қадам қўйиши муносабати билан самимий табрикладилар.
Маросимни Бухоро давлат университети ректори, профессор Обиджон Хамидов очиб берди. У ўз нутқида университетнинг халқаро майдондаги ютуқларига тўхталиб, БухДУнинг Times Higher Education (THE) Sustainability Impact Ratings – 2026 халқаро рейтингида дунёнинг TOP-400 талигидан ўрин олганини алоҳида эътироф этди. Шунингдек, Бухоро вилояти ҳокими Ботир Зариповнинг битирувчиларга йўллаган табригини ўқиб эшиттирди.
Жорий ўқув йилида университетни 3986 нафар битирувчи муваффақиятли тамомлади. Улардан 331 нафари магистр бўлиб, магистратура битирувчиларининг 75 фоизини хотин-қизлар ташкил этди.
Тантанали маросимда битирувчиларга дипломлар тантанали равишда топширилди.
