Бухоро давлат педагогика институти волонтёр талабалари Бухоро шаҳрида истиқомат қилаётган Иккинчи жаҳон уруши қатнашчиси Ресутова Рейда Алиевнанинг хонадонида бўлиб, улар билан суҳбат қуришди.
Иккинчи жаҳон уруши қатнашчиси уруш хотиралари, очарчилик даврлари, ҳаёт тажрибалари ҳақида сўзлаб, бугунги кунларнинг қадрига етиб, шукрона келтириш кераклигини таъкидлади.
«Сизга узоқ умр, сиҳат-саломатлик тилаймиз! Сизлар бор экансиз, биз шундай тинч ватанда таълим оляпмиз. Бунинг учун сизларга ўз миннатдорчилигимизни билдирамиз. Дуоларингизни олиш биз ёшларга ўзгача куч беради», – дейди институт волонтёрлари.
