Барчангизни халқимизнинг анъанавий қутлуғ айёми – Шарқона янги йил билан чин юракдан самимий муборакбод этаман.
Қалбларимиз баҳор тароватидан шодлик ва қувончга тўлган мана шу нурли лаҳзаларда барчангизга сиҳат-саломатлик, байрамона кайфият, хонадонларингизга бахту саодат ва файзу барака тилайман.
Қадрли бухороликлар!
Наврўзи олам фалсафаси халқимизнинг орзу-интилишлари, амалий ишлари билан узвий боғланиб кетганини бугун ҳар қадамда яққол кўриш мумкин. Мамлакатимизда, жумладан, вилоятимизда ҳам янги-янги замонавий корхоналар, шинам уй-жойлар, ижтимоий ва маданий объектлар қад ростламоқда, йўл ва кўприклар қурилмоқда. Юртимиз қиёфаси кундан-кунга обод ва гўзал бўлиб бормоқда.
Бу эса ҳурматли Президентимиз раҳбарликларида олиб борилаётган инсон қадрини улуғлаш, унинг ҳаётий манфаатлари ва ижтимоий ҳимоясини таъминлаш, эҳтиёжманд аҳоли қатламларини қўллаб-қувватлаш каби халқчил ислоҳотларнинг Наврўз қадриятларига қанчалик мос эканлигини кўрсатмоқда.
Наврўзи олам бизни бутун борлиқни, авваламбор, ер ва сув, ҳайвонот ва ўсимлик дунёсини, соф ҳавони асраб-авайлаб, она табиатга меҳрибон фарзанд бўлиб яшашга даъват etadi.Ana шундай эзгу чорловга жавобан бугунги кунда вилоятимизда ҳам Наврўз ҳашарлари ўтказилмоқда. Жумладан, “Яшил макон” лойиҳаси доирасида миллионлаб мевали ва манзарали кўчатлар экилмоқда, янги боғу роғлар барпо etilmoqda.Oltinga тенг тупроқларимизда миришкор деҳқон ва фермерларимиз уруғ қадаб, боғбон ва чорвадорларимиз янги меҳнат мавсумини boshlamoqda.Shu ўринда ризқ-рўзимиз бунёдкорлари бўлмиш заҳматкаш деҳқонларимизни, миришкор фермер ва томорқачиларимизни Наврўз айёми билан қутлаб, бошлаган эзгу ишларига улкан зафарлар, баракали ҳосил тилайман.
Қадрли дўстлар!
Наврўзнинг ўлмас руҳи айниқса маҳаллаларимиз ҳаётида яққол намоён бўлмоқда.
Маҳалла – бу меҳр ва аҳиллик қўрғонидир. Маҳалла – оқкўнгил, бунёдкор халқимиз қалбининг кўзгусидир. Айниқса, ҳурматли юртбошимиз ташаббуслари билан ҳамма соҳа ва йўналишлар бўйича “маҳалла еттилиги” тизими йўлга қўйилгани жойларда тадбиркорликни ривожлантириш, аҳоли бандлиги ва даромадини ошириш, камбағалликни қисқартиришда муҳим омил бўлмоқда.
Натижада сўнгги уч йилда вилоятимизда камбағаллик даражаси 12 фоиздан 7 фоизга туширилди. Албатта, бу ўз-ўзидан бўлаётгани йўқ. Шу даврда 19 мингга яқин аҳолига қарийб 614 mlrd.soʻm имтиёзли кредит, 5 минг дан зиёд фуқароларга 28 млрд. сўм субсидия, қарийб минг нафар оилага эса деҳқончилик учун 250 гектар ер ажратиб берилди. Табиийки, ушбу ишларда фуқаролик жамиятининг ноёб намунаси бўлган маҳалла тизими вакилларининг фаоллигини алоҳида қайд этиш жоиз.
Фурсатдан фойдаланиб, вилоятимиздаги барча маҳалла фаолларини 22-мартда нишонланадиган Маҳалла тизими ходимлари куни билан қизғин табриклайман.
Азиз ватандошлар!
Бу йилги Наврўз байрами қутлуғ ва фазилатли ой – муқаддас Рамазони шариф кунларида нишонланмоқда. Бугунги имкониятдан фойдаланиб, барчангизни қўшалоқ айём билан чин қалбимдан қизғин қутлайман. Ушбу муборак ойда адо этадиган хайрли амалларимиз қабул бўлиб, эзгу ва пок ниятларимиз ижобат топишини тилайман.
Барчамизнинг тилак ва истагимиз – Наврўз юртимизга, ҳар бир оила, ҳар бир хонадонга эзгулик, бахту саодат, тўкинлик ва фаровонлик олиб кирсин. Ҳаётимиз қувончли кунлар, тўю томошаларга тўлиқ бўлсин. Ҳар бир оила, ҳар бир маҳалла, ҳар бир шаҳар ва қишлоғимиз, бутун Ўзбекистонимизни файзу барака тарк этмасин! Юртимиз тинч, халқимиз омон бўлсин!
Наврўзи олам барчамизга муборак бўлсин!
