Депутат Жахонгир Жияновнинг ёзишича, махсус порталдаги маълумотларга кўра, Андижон шаҳар ободонлаштириш бошқармаси декоратив ўсимликлар қаламчаларининг ҳар бир донасини салкам етти юз миллион сўмдан сотиб олган.
Бу бўйича тегишли ташкилотлар тасдиқлаган ҳужжатлар ҳам бор. Масалан, бошқарма декоратив ўсимликлар қаламчалари “Черенки декоративных растений” кўчатларининг 1 (бир) донасини “GULLAR VA LANDSHAFT” МЧЖдан 698,700,000 (олти юз тўқсон саккиз миллион етти юз минг) сўмдан, “ЯТТ NASIRDINOVA MUXAYYOXON ODILJON QIZI”дан 698,650,000 (олти юз тўқсон саккиз миллион олти юз эллик минг) сўмдан, “ЯТТ TAXIROV ABDULVOXID VASILOVICH”дан 598,700,000 (беш юз тўқсон саккиз миллион етти юз минг) сўмдан сотиб олган.
☝️Давлат бюджетида тақчилликлар кузатилаётган вақтда бюджет ҳисобидан уч дона кўчатни 2 млрд сўмга сотиб олиш қайси мантиққа тўғри келади? Ё рақамлар хато кетганми?
Балки масъуллар бу ишга қизиқиб кўришар.
