Ромитан тумани марказидан анча узоқда жойлашган қишлоқларда ихчам ва қулай тиббиёт масканлари очилиши давом этмоқда.
Аҳолига тиббий хизматни юксалтириш мақсадида жорий йилнинг 20 август куни Ромитан туманининг “Ҳазортут” маҳалла фуқаролар йиғинида “Маҳалла тиббиёт пунктининг” очилиш маросими бўлиб ўтди. Тадбирда туман ҳокимининг ўринбосари Ф.Саломов, туман тиббиёт бирлашмаси раҳбари Ж.Тохиров ҳамда кенг жамоатчилик вакиллари ва нуронийлар иштирок этди.
Ушбу тиббиёт шаҳобчалари (контейнер)нинг фойдаланишга топширилиши аҳолининг узоғини яқин қилди. Эндиликда тиббий ускуналар, дори-дармонлар, замонавий алоқа воситалари билан жиҳозланган тиббий пунктлар қишлоқ аҳолиси учун хизмат кўрсатади. Аҳолига сифатли тиббий хизмат кўрсатиш учун зарур барча шароитлар яратилди.
