З0 июнь – “Ёшлар куни” муносабати билан Ромитан туман ҳокимлигининг катта мажлислар залида туманда ўтказилган спорт ва маданий тадбирларда фаол иштирок этган ёшларни рағбатлантиришга қаратилган “Раҳбар ва ёшлар” учрашуви бўлиб ўтди.Учрашувда туман ҳокими Умеджон Барноев бошчилигида сектор раҳбарлари, тегишли корхона, ташкилот раҳбарлари, Ёшлар ишлари агентлиги бўлими, спорт ва маданий тадбирларда фаол иштирок этган ёшлар ҳамда ёшлар етакчилари иштирок этишди. Учрашув аввалида туман ҳокими У.Барноев сўзга чиқиб, байрам муносабати билан навқирон авлод вакиллари, келажагимиз эгаларини муборакбод этар экан, мамлакатимизда ёшлар масаласи ҳар доим давлат сиёсати даражасидаги муҳим масала эканлигини, сўнгги йилларда ёш йигит-қизларимиз учун яратилаётган кенг кўламдаги имконият ва шарт-шароитлар, уларнинг ўқиб-ўрганишлари, қизғин фаолият кўрсатишлари учун қаратилаётган эътибор ва ғамхўрлик нафақат юртдошларимиз, балки дунё ҳамжамиятини ҳам ўзига жалб этаётганлигини, иқтидорли ёшларни қўллаб-қувватлаш, уларнинг истеъдодини юзага чиқариш учун ҳар бир ҳудудда зарур шарт-шароитлар муҳайё қилинганлигини таъкидлаб ўтди.Туман ҳокимининг табриги ва марузасидан сўнг йиғилишнинг савол-жавоб қисмига ўтилди. Ёшлар ўзларини қизиқтирган, соҳасига мўлжалланган мурожаатларини айтишди. Маҳалласи, ёхуд икки томонидаги қўшнисига ҳам фойдаси тегадиган қатор лойиҳа-презентатсиялар иқтидорлилар томонидан шарҳлаб берилди. Бундай илғор қатлам вакилларидан бутун мамлакатимиз қатори Умеджон Барноевнинг ҳам умиди катта. Уларнинг дадиллиги, шижоатини кўриб касбий камолотларига яна бир бор юксак парвоз тилади. Ҳар қандай эл-у юртнинг умиди бўлган ёшларни қўллаб-қувватлаш, рағбатлантириш муҳим ўрин тутади.Вилоятимиз ҳокимининг 2022 йил 10 майдаги 2/2976-6-сонли қарори ва Маҳалларда ёшлар билан ишлаш масалалари бўйича республика комиссияси раиси Қ.Қуранбойевнинг Беш ташаббусни ривожлантириш ва маҳалла етакчиларини рағбатлантиришга бағишланган йиғилишларининг ижросини амалда таъминлаш мақсадида бир қатор маҳалла етакчилари ва фаол ёшлар туман ҳокими томонидан муносиб рағбатлантирилди.
