Таълим тизимида қатор кадрлар алмашди: янги тайинловлар ва лавозимдан озод этишлар

Таълим тизимида қатор кадрлар алмашди: янги тайинловлар ва лавозимдан озод этишлар
Президентнинг тегишли фармон ва қарорлари билан таълим ва илм-фан соҳасида қатор кадрлар ўзгариши амалга оширилди.
Илҳом Тоҳирович Сираджев Таълим ва илм-фан вазирининг комплаенс ва коррупцияга қарши ички назорат бўйича ўринбосари этиб тайинланди. У Президент Администрацияси Раҳбарининг таълимни ислоҳ қилиш бўйича ўринбосари лавозимидан озод этилди.
Обид Арзиқулович Ҳакимов Президент Администрацияси Раҳбарининг таълимни ислоҳ қилиш бўйича ўринбосари ҳамда ўриндошлик асосида «Янги Ўзбекистон» университети ректори этиб тайинланди. Шу муносабат билан у Президентнинг иқтисодий сиёсат бўйича маслаҳатчиси лавозимидан озод этилди.
Камолиддин Каромиддинович Мардонов Президентнинг иқтисодий сиёсат бўйича маслаҳатчиси лавозимига тайинланди ва Президент Администрацияси Ҳуқуқий экспертиза ва комплекс таҳлил қилиш департаменти бошлиғининг биринчи ўринбосари лавозимидан озод этилди.
Шунингдек, янги тайинлов муносабати билан «Янги Ўзбекистон» университети ректори Баходир Ахмедов, Олий таълим, фан ва инновациялар вазири Қўнғиротбой Шарипов ҳамда Мактабгача ва мактаб таълими вазири Эъзозхон Каримованинг лавозимидан озод этилгани маълум бўлди.