Профилактика инспекторлари фаолиятида муҳим ўзгаришлар кутилаётгани маълум қилинди

Президентга жамоат хавфсизлигини таъминлаш ва профилактика инспекторлари фаолиятини такомиллаштиришга оид тақдимот тақдим этилди.
Унга кўра, профилактика инспекторларининг ишига аралашиш, вазифасига кирмайдиган топшириқлар бериш ва ортиқча юклама юклаш тақиқланади. Шунингдек, ҳокимликлар уларни хизмат уйи ва хизмат хоналари билан таъминлайди.
Бундан ташқари, давлат органлари инспектор сўровларига 10 кун ичида жавоб бериши, инспекторлар эса ҳар чоракда аҳоли олдида ҳисобот тақдим этиши белгиланмоқда. Агар аҳолининг ярмидан кўпи инспекторга ишончсизлик билдирса, унинг лавозимга лойиқлиги қайта кўриб чиқилади.