Халқимиз «Интилганга толе ёр!» деб бежиз айтмаган. Бунга Бухоро туманидаги маҳаллалардан кўплаб мисол келтириш мумкин.
Фарангиз Самадова «Работак» маҳалласида яшайди. Фақат турмуш ўртоғининг топганига қараб ўтирадиганлардан эмас. Фарангиз Самадова асли «Работак» маҳалласида хотин-қизлар фаоли бўлиб ишлайди. Хотин-қизларнинг жамиятдаги фаоллиги ва ҳуқуқий маданиятини ошириш, бандлигини таъминлаш, таълим олиш ва ҳар томонлама манзилли қўллаб-қувватлаш билан бирга яшаш хонадонидаги бўш турган бинода қўзиқориннинг шампинён турини етиштириш билан шуғулланиб келмоқда.
Қаҳрамонимиз 100 квадрат метр майдонга қўзиқоринни шампинён навини экиб уларни муваффақиятли етиштириб келмоқда. Шу йилги ҳосилнинг биринчи теримида 600 килограмм маҳсулот етиштирилди. Ҳозирги кунда шампинённинг ўртача нархи бозорда 50 минг сўмни ташкил этади.
Туман ҳокими Анваржон Очилов Фарангиз Самадова хонадонида бўлиб, қўзиқорин етишриш жараёнлари билан танишиб, ўзининг керакли таклифларини билдириб ўтди.
