…сомон тиқар пўстингга, деб бежизга айтилмаган экан. Буни Амин Ҳабибов (исм ва фамилялар ўзгартирилди.) бошига тушган савдолар туфайли янада яхшироқ англай бошлади.
2023 йилнинг июль ойларининг бошида телеграм профилига телеграмдан хабар келди. Амин “тинг” этиб чиққан овоздан ҳушёр тортиб юраги “шув ” этди. Бўлажак рафиқаси Салимадан мактуб келди ,деб ўйлади. “men bu men” ким бўлди экан?! Келган хабар антиқа эди. У ўзи ва севгилисидан бошқа киши хабари бўлмаган расм эди. А.Ҳабибовнинг ичига ғулғула тушди. Салима билан яқин кунларда тўйи белгиланган бўлсада, бу расмлар тарқалиб кетса, қиз бола шаънига уят бўлишини ўйлаб сиқилди. Кейинги гал “Қорбобо тоғо” орқали расм келди. Энди, “сирли одам” таҳдид йўлига ўтди.
—Биласанми, агар бу суратларни ижтимоий тармоқ орқали тарқатсааам…
—Кимсиз ўзи?! Нима хоҳлайсиз биздан
—Нима хоҳлашимни айтаман. Тайёр тур…
Яна орадан кунлар ўтди. Тутуриқсиз “сирли одам” “Қорқиз хоним” профилидан ёзиб қолди. “Менга 1 млн 700 минг сўм берсанг расмлар, видео тарқалмайди.” Ўзаро келишувлардан сўнг пластик карта орқали 1 млн 500 минг сўмга эга бўлган товламачи 200 минг сўмни тўёна эканлигини уқтириб ўтди.
Амин узоқ ўйлаб ўтирмади. “ Буни кимлигини топишим керак”, деган хулосага келиб ,ҳуқуқни муҳофаза қилиш идораларига мурожаат қилди.
Товламачи йигит ўзининг синфдош дўсти, “Ғиждувонпахтатозалаш” заводи ишчиси Аъзам Олимов бўлиб чиққанда янада таажжубланди. Чунки, яширин ҳолда дўстининг телефон рақамидаги телеграмга боғланиб олган Аъзам арзимаган пул учун дўстига хиёнат қилган эди.
Энди-чи?! Гарчи мақолада номи очиқламаган бўлсада, Ғиждувон туманидаги ўзлари истиқомат қилаётган маҳалла аҳли бу товламачи йигитни яхши танишади.
Суд ҳукми билан айбдор, деб топилган А.Олимовга Ўзбекистон Республикаси Жиноят кодекси 165-моддасининг 1-қисми билан 3 (уч) йил муддатга озодликни чеклаш жазоси тайинланди.
Турсунбой Тангриев,
Бухоро вилоят судининг жиноят ишлари бўйича судьяси
Акрам Рахимов,
Жиноят ишлари бўйича Вобкент туман судининг раиси
