Амалдаги «Шаҳарсозлик нормалари ва қоидалари» талабларига риоя этиш– бугунги кунда турли мақсадларда қурилиш ишларини бажараётган ҳар бир фуқаронинг амал қилиши керак бўлган вазифаси ҳисобланади. Аммо орамизда айнан ушбу амалий қоидага риоя этмай келаётганлар йўқ эмас.
Ачинарлиси, баъзан жойларда бино-иншоотларнинг ҳаракатдаги газ қувурлари устки қисмида қурилганлигининг гувоҳи бўлиб турсак ҳам қўл силтаб кетамиз. Айни мана шу ҳолат эса нафақат бизнинг, балки атрофимиздаги яқинларимизнинг ҳаёти, соғлиғи учун жуда хавфли ҳисобланади.
Ҳурматли истеъмолчи, газдан тўғри фойдаланиш баробарида муҳофаза зоналарида бино-иншоотларнинг қурилишига алоҳида эътибор қаратинг, белгиланган қоидаларига амал қилишни унутманг! Агар бино-иншоотларнинг муҳофаза зоналарида қурилаётганлигининг гувоҳи бўлсангиз, зудлик билан 104 рақами орқали газ таъминоти бўлимига мурожаат қилишингизни сўраб қоламиз.
❗️ Унутманг! Хавфсизликни таъминлаш барчамизнинг асосий вазифамиз ҳисобланади.
