Пилла йетиштиришда ўзига хос иш тажрибасига эга бўлган шофирконлик пиллакорлар жорий йилда ҳам ипак қурти боқиб, илк мавсумдаёқ баракали ҳосил олишга эришдилар.
Сифатли пилла олиш мақсадида туман пиллакорларига 3706 қути ипак қурти уруғи тарқатилиб, пиллакорлар 216 тонналик «кумуш тола» хирмонини бунёд этишга киришдилар.
Бу жараёнда тегишли мутахассислар, пиллакор агрономлар ҳамда туман ҳокимлигидан бириктирилган масъуллар томонидан ипак қурти боқилиши назортага олиниб, кўп йиллик тажрибага эга звеночилар ҳамда ҳудудлардаги пиллакор агрономларнинг саъй-ҳаракатлари, ўз вақтида сифатли озуқа билан таъминланганлиги эвазига туман пиллакорлари кўзланган натижадан ошириб, яъни режадаги 216 тонна ўрнига 218,2 тонна сифатли пилла олишга эришдилар.
Бу жараёнда айниқса, Денов, Мазлахон-Чандир, Боғиафзал, Дўрман ҳудудларидаги оилавий звенолар йетакчилик қилиб, пешқадамлар сафида давлат шартнома режаларини ортиғи билан адо этдилар.
Туманнинг Дўрман ҳудуди пиллакорлари 23,3 тонналик режани 23,5 тонна қилиб бажарган бўлса, Денов ва Жўйрабод ҳудудлари пиллакорлари зиммаларидаги 22,6 тоннадан, жами 45,2 тонна ўрнига умумий «кумуш тола» хирмонига 45,8 тонна ҳосил қўшиб, меҳнат зафарига эришдилар.
Тезгузар ҳудуди 18,9 тонна ўрнига 19,2, Боғиафзал ҳудуди 14,6 тонналик маррани 14,8 тонна, С. Жўра ҳудуди «кумуш тола» заҳматкашлари эса 14,6 тонналик режани 14,8 тоннага йетказиб, бошқаларга ибрат бўлди.
Саноат учун қимматбаҳо хом ашё йетиштиришда жорий йил «Мазлахон-Чандир» ҳудудидаги фермер хўжаликлари ва улардаги оилавий звенолар томонидан 20,4 тонна ўрнига 20,9 тонна, А.Навоий ҳудудида ҳам худди шу режа 20,4 тонна, «Жўйнав» ҳудудида 18,2 тонналик режа 18,4 тоннага, «Искогаре» ҳудудида 18,9 тонна ўрнига 19,1 тонна, «Вардонзе» ҳудудида 11,3 тонна ўрнига 11,4 тонна миқдорида сифатли пилла олишга эришилгани катта ютуқ, албатта. Шунингдек туманда пиллачиликда илғор бўлган «Ражабов Носир Салимович», «Алпомиш» фермер хўжаликлари томонидан пиллачиликда инновацион агротехник тадбирларнинг қўллангани ҳам юқори ҳосилдорликка хизмат қилди.
Ипак қурти қабул қилишда ҳар бир касаначи оиласига ҳар бир қути ипак қурти учун 500 минг сўмдан рағбат пули, пиллани қабул масканига топширишда режадан орттирилган ҳар килограмм пилла учун қўшимча 40 минг сўмдан мукофот пули берилгани пиллакорларга куч-қувват бағишлади.
