Ипакчилик саноати қадимдан сердаромад соҳа ҳисобланган. Ҳозирда унинг қадр-қиммати янада ошиб, пиллачиликни ривожлантириш бўйича муҳим ишлар амалга ошириляпти. Қуёш тафти она табиатга илиқлик бериб, тут дарахтлари барг чиқара бошлаган шу кунларда мамлакатимизнинг нисбатан иссиқ ҳудудларида пиллакорларимиз енг шимариб, ипак қуртларини парваришлашга киришди.
Туман ҳокими Ф.Умаров “Сариосиё” МФЙда яшовчи, ҳар йили ипак қуртини парваришлаб, оиласининг даромадига ўзининг муносиб ҳиссасини қўшаётган Раҳмонова Санобар ва “Шакаркент” МФЙда яшовчи Қундуз Шариповалар хонадонига бориб, ипак қурти боқилишининг жараёнини кўздан кечирди ва совғалар бериб, иш фаолиятларига зафарлар тиланди.
Жаҳон ипак бозорида ипак маҳсулотларига бўлган талабнинг тобора ошиб бораётганлиги ўз навбатида мамлакатимизда пилла етиштириш ҳажмларини босқичма-босқич оширишни тақозо этмоқда.
