Қоракўл тумани ИИБ га кўра, 24 ноябрь куни соат тахминан 20:30 ларда, Қоракўл тумани «Янгибозор» маҳалласида яшовчи бир гуруҳ шахслар Олот тумани «Халифа» маҳалласида жойлашган «Ширин бобо» тўйхонасида бирор сабабсиз Олот тумани «Чорбоғ» маҳалласида яшовчи 1998 йилда туғилган фуқаро билан ўзаро келишмовчилик натижасида жанжаллашиб, жанжал вақтида танасининг турли қисмларига қўл мушти билан қасддан бир неча маротаба уриб, оёқлари билан тепиб унга жароҳатлар билан соғлиғининг бузилишига сабабчи бўлган енгил тан жароҳатларини етказиб, безорилик жиноятини содир қилганлар.
Мазкур ҳолат юзасидан туман ИИБ томонидан Ўзбекистон Республикаси Жиноят Кодексининг 277-моддаси 2-қисми билан жиноят иши қўзғатилиб, ҳозирги кунда дастлабки тергов ҳаракатлари давом эттирилмоқда.
