Ўзбекистонда 65 боланинг ўлимига сабаб бўлган заҳарланган ҳинд йўтал сиропини тарқатувчилар маҳаллий амалдорларга мажбурий тестдан ўтмаслик учун 33 минг доллар пора берган, дея даъво қилмоқда прокурорлар.
Прокурор Саидкарим Оқиловнинг сўзларига кўра, Quramax бош директори Сингх Рагвендра Пратар дори воситаларини экспертиза ва стандартлаштириш давлат маркази мансабдор шахсларига унинг маҳсулотларини мажбурий текширувдан ўтказиб юборишлари учун 33 минг доллар тўлаган.
Судда сўзга чиққан Пратар воситачи орқали пулларни амалдорларга топширганини тан олган. Унинг сўзларига кўра, кейинчалик бу пуллар қандай ва ким томонидан ишлатилгани ҳақида ҳеч қандай маълумот йўқ. Бу ҳақида Reuters хабар бермоқда.
