Ўзбекистонда туман ва шаҳар ҳокимларини сайлаш тизимини жорий этиш масаласи кун тартибига чиқди.
Бу ҳақда Президент фармони лойиҳаси билан тасдиқланиши режалаштирилаётган «Давлат бошқарувини 2030 йилгача номарказлаштириш стратегияси»да сўз боради.
Ҳужжатда Адлия вазирлиги ҳамда Бошқарув самарадорлиги агентлигига 2027 йил сентябр ойига қадар туман ва шаҳар ҳокимларини сайлаш механизмини амалиётга жорий этиш юзасидан таклифларни Вазирлар Маҳкамасига киритиш вазифаси топширилган.
Ҳужжат қабул қилинса, маҳаллий раҳбарларни шакллантиришда аҳоли иштироки кенгайиши мумкин.
