Қоракўлдаги фермер хўжалиги вакиллари туман ҳокимлигидан  600 млн. сўмлик қарздорлигини ололмаётганлиги ҳолати ўрганилди

 
Маълум бўлишича, Қоракўл туманлараро иқтисодий судининг ижро ҳужжатига асосан қарздор Қоракўл туман ҳокимлигидан ундирувчи “Дўрман Омад Нури” фермер хўжалиги фойдасига 273.979.227 сўм зарар  ундириш ҳамда мазкур суднинг 12.12.2023 йилдаги ижро ҳужжатига асосан қарздор Қоракўл туман ҳокимлигидан ундирувчи “Учқун Дўрман Замини” фермер хўжалиги фойдасига 333.286.744 сўм зарарни ундириш тўғрисидаги ижро ҳужжатлари Бюронинг Қоракўл туман бўлими иш юритувига 26.03.2024 йилда келиб тушган ва Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 23-моддасига асосан ижро иши юритишни қўзғатиш тўғрисида қарорлар қабул қилинган ҳамда қарздор белгиланган тартибда огоҳлантирилган.
 
Ижро ҳужжатида кўрсатилган талабларни ижросини таъминлаш бўйича давлат ижрочисининг қарорига асосан қарздор Қоракўл туман ҳокимлигининг туман Ғазначилик бўлинмасида мавжуд бўлган барча ҳисоб рақамларига белгиланган тартибда банд солинган.
 
Шунингдек, ижро ҳаракатлари давомида қарздор Қоракўл туман ҳокимлигига тегишли ундирув қаратилиши мумкин бўлган барча мол-мулкларига  белгиланган тартибда тақиқ ўрнатилган.
 
Ҳозирда, ижро ҳаракатлари давом эттирилмоқда.