Ғиждувон тумани «Нодирабегим» маҳалласида яшовчи, 1995 йилда туғилган С.З. исмли шахс «ОЛХ» онлайн савдо сайтига кирган вақтида, «Телеграмм» мессенджери орқали ўзини «Дмитрий» деб таништирган номаълум шахс унга тегишли уяли телефон қурилмасини сотиб олишга ва пулини пластик карочкасига «cлиcк» иловаси орқали ташлаб беришини айтиб, пластик карточкаси кодини олиб, карта ҳисобида бўлган жами 2.683.000 сўм миқдоридаги пулларини ечиб олган.
Мазкур ҳолат юзасидан «Дмитрий» исмли номаълум шахсга нисбатан Ўзбекистон Республикаси Жиноят Кодексининг 169-моддаси 1-қисми билан жиноят иши қўзғатилиб, олиб борилган тезкор техник, суриштирув ҳамда тергов ҳаракатлари давомида ушбу жиноятни Тошкент шаҳар Яшнобод тумани Қоракўл кўчасида яшовчи, 2000 йилда туғилган М.Р. исмли шахс содир қилганлиги аниқланди.
