Хабар қилинишича у прокуратура ходимига хизмат вазифасини бажаришга тўсқинлик қилган.
МИБ Ғиждувон тумани бўлими Давлат ижрочиси З.Знинг иш юритувида қарздор “Fayzullo Xubiddin Fayz-bir” МЧЖдан “Ҳудудгазтаъминоти” АЖ фойдасига газ бўйича коммунал қарздорлик ҳамда давлат фойдасига солиқ ва бошқа мажбурий тўловларни ундириш ҳақидаги ижро иши мавжуд бўлган.
Мазкур иш бўйича ижро ҳаракатларини амалга ошириш учун Давлат ижрочиси 14 сентябр куни фуқаро (қарздор) М.Фнинг хонадонига борганида, қарздор ижро ҳаракатларини амалга оширишига тўсқинлик қилиб, қўллари билан Давлат ижрочисининг юз ҳамда баданининг турли соҳаларига қасддан уриб, ерда турган темир бўлаги (арматура) билан бошқарувидаги “Lacetti” русумли автомашинасининг олд, орқа, ўнг ён томон олд ва орқа ойналарини синдириб, орқа ўриндиғига ўт қўйиб, қасддан шикаст етказган.
Мазкур ҳаракатлари учун қарздор М.Ф.га нисбаттан жиноят кодексининг 140, 173 ва 219 – моддаси 2 – қисми билан жиноят иши қўзғатилган.
Гумонланувчига нисбаттан “қамоққа олиш” тарзидаги эҳтиёт чораси қўлланилган.
Вилоят прокуратураси томонидан мазкур жиноят иши тергови алоҳида назоратга олингани маълум қилинди.
