Вилоят ҳокими Ботир Зариповнинг Ғиждувон туманида мавжуд 75 та маҳалла фуқаролар йиғинларидаги “бешлик” вакиллари – маҳалла фуқаролар йиғини раислари, ҳоким ёрдамчилари, ёшлар етакчилари, хотин-қизлар фаоллари ва профилактика инспекторлари билан учрашуви бошланди.
Мулоқотда маҳаллаларнинг ижтимоий-иқтисодий ҳолатини яхшилаш, одамларнинг яшаш тарзини ўзгартириш бўйича амалга оширилаётган ишлар, бу борада келгусида вазифалар, уларни бажариш механизмлари ҳақида сўз бормоқда.— Ғиждувон – вилоятимизнинг энг катта ҳудудларидан бири. Туманда 320 мингдан ортиқ аҳоли яшайди. Табиийки, шунга яраша муаммолар ҳам етарли. Бу мулоқотимиз айнан маҳаллаларда мавжуд муаммоларни ўрганиш ва ҳал этишга қаратилган, – деди Ботир Зарипов.
Шунга кўра учрашувда маҳалла масъуллари ва фаоллари ҳудудларидаги мавжуд муаммолари юзасидан вилоят раҳбарига юзланишмоқда.
