Вазирлик ва идораларга ижтимоий соҳа объектлари, иссиқхоналар ва қурилиш материаллари ишлаб чиқарувчи корхоналарнинг иситиш тизимларини кўмир ёқилғисига ўтказиш режаларини тасдиқлаш топширилди.

Президент қарорига кўра, 5 407 та ижтимоий соҳа объектларининг локал иситиш тизимларини кўмир ёқилғисига ўтказиш режаси ўтказиш режасини тасдиқлаш топширилди. 

Шунингдек, умумий майдони 2466 гектар бўлган 1147 та иссиқхонани кўмир ёқилғисига ўтказиш бўйича режалаштирилган кўрсаткичлар ва манзилли рўйхатларни тасдиқлаш топширилди.

Бундан ташқари, қурилиш материаллари ишлаб чиқарувчи 250 та корхона: 23 таси цемент, 101 таси ғишт, 126 таси оҳак ишлаб чиқаришни кўмирга ўтказиш таклиф этилмоқда.

Шу билан бирга, Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссиясига тижорат банклари билан биргаликда:

• кўмир ёқилғисига ўтказиладиган корхоналарга асбоб-ускуналар сотиб олиш учун кредит маблағларини ўз вақтида ажратилишини таъминлаш;

• кўмир ёқилғисига айлантирилган корхоналар томонидан ишлаб чиқарилган маҳсулотлар экспортини кафолатланган рағбатлантириш чораларини кўрсин.

Тегишли вазирлик ва идораларга хўжалик юритувчи субъектлар учун зарур бўлган миқдорда импорт қилинадиган кўмир етказиб берилишини таъминлаш топширилди.

Бундан ташқари, 1 апрелдан бошлаб импорт қилинадиган кўмирни республика ҳудудига темир йўл орқали ташиш масофасидан қатъи назар, барча белгиланган тарифларга 50 фоизлик чегирма қўлланилади.