Тадбирда Бухоро шаҳар ҳокимлиги мутасаддилари, шаҳардаги умумтаълим мактаблари ўқитувчилари, мактабгача таълим ташкилотлари педагог- ходимлари ва тарбиячилари, кўп йиллик тажрибага эга фахрий устоз ва мураббийлар иштирок этди.
Тантанали тадбирда шаҳар ҳокими Қурбон Турсунов сўзга чиқиб, йиғилганларни байрам билан самимий қутлади. Таълим соҳасида эришилаётган барча ютуқлар фидойи устоз-мураббийларнинг фидокорона меҳнати эвазига кундан-кун ортиб бораётгани қайд этилди.
Тадбирда кўп йиллик тажрибага эга фахрий ўқитувчилар, соҳадаги фаолияти давомида юқори кўрсаткичларга эришаётган устоз ва мураббийларга шаҳар ҳокимлигининг ташаккурнома ва эсдалик совғалари топширилди. Байрам дастури вилоятимиз санъат усталари томонидан ижро этилган устозларни мадҳ этувчи куй ва қўшиқлар билан давом этди.
