Вилоят ҳокими томонидан эълон қилинган “Зарбдор 10 кун” тезкор профилактик тадбири давом этмоқда. Шу асосда вилоят тиббиёт тизими фаолияти учун ҳам аниқ вазифалар белгилаб олинди. Хусусан, вилоят соғлиқни сақлаш бошқармаси бошлиғи томонидан ВКС-видеоконференция орқали даволаш-профилактика муассасалари ходимларига ўз ҳудудларидаги эътиборга муҳтож беморлар ҳолидан хабар олиш, уларнинг тиббий кўрикларини ташкил этиб, гемодиализга муҳтож бўлганларига хизмат кўрсатиш каби топшириқлар берилганди.
Бухоро шаҳридаги 9-оилавий поликлиника ҳудудида жами 803 та ногиронлиги бўлган фуқаролар рўйхатга олинган. Шулардан 73 нафари болаликдан ногирон, 730 нафар 18 ёшдан катта бўлганларни ташкил этади. Дастлабки босқичда 1-гуруҳ ногиронлари ҳамда ётоқда бўлганларни қамраш ва уларни соғломлаштириш чоралари назарда тутилган.
Улар орасида буйрак етишмовчилигидан азият чекаётганлар, қандли диабетнинг оғир формалари ва инсультдан кейинги даврни бошидан ўтказаётганлар бор. Бундан ташқари, ётоқда қолаётган беморлар олти нафар бўлиб, улар болалар ва ўсмирлардир. Белгиланган устувор вазифалардан келиб чиқиб,9 оилавий поликлиникаси бош врачи ва поликлиникада фаолият юритувчи тиббиёт ходимлари шу тоифадаги беморлар хонадонларида бўлиб, уларга керакли тиббий муолажаларни кўрсатдилар.
Жумладан, гемодиализ муолажасига муҳтож 3 нафар беморга керакли дори-дармонлар бепул тарқатилди. 6 нафарига вилоят тиббий муассасаларида даволаниш учун ордер, эшитишида муаммоси бўлган 2 нафар беморга эшитиш мосламаси билан таъминланиши учун тегишли ҳужжатлар расмийлаштирилди. Бир нафар бемор касаллиги туфайли соғломлаштириш мақсадида Шаҳар тиббиёт бирлашмаси неврология бўлимига ётқизилди ва ногиронлик гуруҳи тайинлаш мақсадида ҳудудий ТМЭК га ҳужжатлар расмийлаштирилиб тақдим этилди.Ногиронлиги бўлган бошқа беморлар ҳам 120 турдаги дори-дармонлар билан бепул таъминланди. Дунё бўйича буйрак етишмовчилиги касаллиги билан оғриган инсонлар гемодиализ олиш учун катта маблағ сарфлайди. Юртимизда эса ушбу муолажа ва керакли дори-дармонлар бепул.
Имконияти чекланган инсонларни қўллаб-қувватлаётган, улар учун зарур шарт-шароитларни яратиб бераётган мухтарам Юртбошимизга алоҳида миннатдорчилик сўзларини билдириб ,тиббиёт ходимларига дил изхорларини билдиришди.
