Халқимизга хос анъана бўлган муҳтожлар, ногиронлиги бўлган шахслар, ўксик кўнгилларнинг ҳолидан хабар олиш, ўзгаларга бўлган ишончи, умидини ўйғотиш, яхши сўз меҳрни ўрнини ҳеч нарса боса олмайдиган меҳрга чанқоқ қалбларга таскин, қувонч бахш эта олиш катта бахтдир.
Вобкент туман ҳокими Ф.Умаров Вобкент туманидаги “Кумушкент” маҳалласида истиқомат қилиб келаётган 1-гуруҳ ногиронлари Шаҳриёр Раҳматов ва Умида Облоқуловаларнинг ҳолидан хабар олди. Туман ҳокими маҳалла ходимлари билан биргаликда озгина бўлсада, эътибор, меҳр улашиш мақсадида улар билан суҳбатда бўлди.
Уларнинг сўз билан ифода этиб бера олмайдиган, лекин кўзларида порлаётган миннатдорлик ва самимийлик ўтаётган ҳар бир он учун шукрона айтиб, шундай муқаддас кунларда барчани меҳр-оқибатли, бирдам ва оқибатли бўлишга ундайди. Меҳр истовчиларни йўқлаш, кексалар ва яқинларимизни кўнглини шод этишга чорлайди.
