Ассалому алейкум, қадрли вобкентликлар!Барчангизни эзгулик ва саховат, меҳр-оқибат, миллий қадриятларимиз ва анъаналаримиз ифодаси бўлган энг улуғ айёмлардан бири – Қурбон ҳайити билан самимий табриклайман.
Ҳалоллик, поклик, меҳр-оқибат, эзгулик ва саховат, миллий қадриятларимиз ва анъаналаримиз ифодаси бўлган Қурбон ҳайити байрамингиз муборак бўлсин!
Яратган Аллоҳ бизни қутлуғ айёмга, файзли, меҳр-оқибатли, барокатли кунларга етказганига беҳисоб шукроналар айтамиз. Туманимизда иқтисодий томондан тараққиёт, ислоҳотлар бўлаётгани барча жабҳаларда юксалишлар, янгиланишлар рўй бериб, инсонлар бир-бирига меҳрли, оқибатли бўлаётгани бугунги улуғ кунларда янада намоён бўлмоқда. Айни кунларда “Саховат ва кўмак” умумхалқ ҳаракати доирасида саховатпеша тадбиркорлар ва тумандошларимиз томонидан эҳтиёжманд оилаларга узлуксиз равишда озиқ-овқат ва дори-дармон тақдим этиб келинаётганида айни шу кунларда эл-юртимизга хос бўлган мана шундай меҳр-мурувват, саховат туйғулари яққол намоён бўлмоқда. Қурбон ҳайити муносабати билан Вобкент туманида «Темир дафтар», «Аёллар дафтари» ва «Ёшлар дафтари»га киритилган 100 нафар фуқароларга 19 млн. сўм пул маблағлари ажратилгани халқимиз ҳар доим эътиборда эканидан, ушбу маблағлар эгаларининг ўксик юракларини шодликка тўлдиргани эҳтиёжманд оилалар ушбу муқаддас кунларда яна бир бор давлатимизнинг беғараз кўмагини олаётганидан мамнун бўлмоқдалар.
Айни шу кунларда эл-юртимизга хос ва мос меҳр- мурувват, саҳоват туйғулари яққол намоён бўлиб, барчамизни эҳтиёжманд, кам таъминланган ва боқувчисини йўқотган оилалар, ногиронлар, ёлғиз кексаларнинг ҳолидан хабар олиш, уларга моддий ва маънавий ёрдам кўрсатиш, муқаддас қадамжолар ва қабристонларни обод қилиш каби савобли ишларга ундаяпти. Эзгу ишлар замирида ислом динининг инсонпарварлик моҳияти ва қудратини кўрамиз, буюк маънавий мерос ворислари эканимиздан ҳақли равишда фахрланамиз.Азиз элдошларим!
Пайғамбаримиз Ҳадисларида ёзилган ҳикматларга кўра,етимлар, касаллар, қариялар ҳолидан хабар олиш, бир ширин калом билан уларнинг хурсандчилигига сабабчи бўлишни улкан савоб эканлиги айтилган.Қурбон ҳайити кунлари савоб олиш учун энг долзарб бўлган кунлардан унумли фойдаланайлик!Юртимиз тинч, осмонимиз мусаффо бўлсин!
Вобкент туман ҳокими Фарҳод Умаров
