Бухоро вилояти ҳокими Ботир Зарипов бошчилигида мутасадди раҳбарлар “Қизилравот” маҳалла фуқаролар йиғини ҳудудидаги бир қатор ижтимоий соҳа объектларига ташриф буюришди.
Жумладан, ҳудуддаги 39-40 умумий ўрта таълим мактаблари фаолияти билан танишди. Ўқув даргоҳининг фаолияти билан танишиш давомида ўқувчилар учун яратилган шароитларни ўрганилди.
Навбатдаги манзил ҳудуддаги 31-мактабгача таълим ташкилоти бўлди. Ушбу ташкилотда «Яшил макон» умуммиллий лойиҳаси доирасида мевали ва манзарали дарахт экиш жараёнида фаол иштирок этиб, ўз ҳиссаларини қўшишди. Шундан сўнг МТТ тарбияланувчиларини мактаб таълимига тайёрлаш, болаларни ҳар томонлама интеллектуал, ахлоқий, эстетик ва жисмоний ривожлантириш учун қулай шароитлар яратиш кераклиги уқтирилди.
Вилоят раҳбари мазкур даргоҳлар ҳар томонлама замонавий инновацион технологияларни ўзида мужассамлаштириши ва бу ерда етук интеллектуал кадрлар етишиб чиқиши муҳим вазифа эканини таъкидлади.
Мутасаддилар томонидан яқинлашиб келаётган янги йил байрами муносабати билан мактаб ўқувчилари ҳамда МТТ тарбияланувчилари учун қишки иссиқ оёқ кийимлари ва устки кийим бошлар ҳамда байрам совғалари берилди.
Кейинги манзил ҳудудда тиббий хизмат кўрсатаётган “Қизилравот” оилавий шифокорлик пункти бўлди. Аҳоли саломатлигини мустаҳкамлаш ва тиббий хизмат сифатини яхшилаш мақсадида оилавий шифокорлик пункти барпо этилмоқда.
Вилоят раҳбари бинодаги таъмирлаш ишлари билан танишди ва лойиҳада белгиланган қурилиш ишларининг сифат даражаси ҳамда ҳолатини кўздан кечирди. Муассасани тиббий диагностик ускуналар билан бойитиш, тиббий хизмат сифатини яхшилаш юзасидан кўрсатмалар берилди.
