Ромитан тумани ҳокими Умеджон Барноев Ўзбекистон Мустақиллигининг 32 йиллиги байрами муносабати билан 1-секторга қарашли Қўрғон маҳалла фуқаролар йиғинида яшовчи ижтимоий ҳимояга муҳтож фуқаролар, боқувчисини йўқотган, кам таъминланган оилалар, ногиронлиги бор хонадонларда бўлиб, Мустақиллик байрами билан қутлади. Улар билан суҳбатлашиб самимий тилаклар билдирди. Байрам совғалари улашилди. Бундан ташқари фуқароларнинг яшаш шароитлари ва мавжуд муаммолари ўрганилди.
Ўрганишлар давомида Қўрғон маҳалла фуқаролар йиғини Миёнсарой қишлоғида яшовчи Нодира Бозорова ҳамда Умида Сайфуллаеваларнинг тикувчилик йўналишига иштиёқи борлигини инобатга олиб, шу куннинг ўзида 1-сектор раҳбари томонидан субсидия асосида тикув машиналари етказиб берилди.
Мустақиллик байрами арафасида бу каби йўқловлар юртдошларимиз қалбида ватанга муҳаббат, эзгу ишларга даъват кўринишига айланди, берилган бу каби эътибор уларнинг қалбини яхшиликларга йўналтириб, байрам кайфиятини тақдим этмоқда.
