2023 йилда жисмоний шахслар учун турар ва нотурар жойларни ҳамда автотранспорт воситасини ижара беришнинг энг кам ставкалари барча ҳудудлар учун 10 фоиз атрофида оширилади.
Молия вазирлиги 2023 йилги бюджет қонуни лойиҳасини эълон қилди. Унда 2023 йил учун мол-мулкни ижарага берувчи жисмоний шахсларга белгиланган ижара тўловининг энг кам ставкалари ҳам кўрсатилган.
Нукус шаҳри ва вилоятлар марказларида турар жойлар ижарасининг минимум қиймати 1 кв/м учун ойига 9 500 сўмдан 10 500 сўмга, нотурар жойлар ижараси эса 18 500 сўмдан 20 500 сўмга ошяпти. 2023 йилда енгил автомобиль ижарасининг энг кам ставкаси 630 мингдан 695 минг сўмга ошяпти. 2022 йилда микроавтобуслар, автобуслар ва юк автомобиллар ижараси ставкаси 1 250 000 сўм бўлган бўлса, 2023 йилдан бу миқдор 1 375 000 минг сўмгача ошириляпти.
