Ромитан туман ҳокими Умеджон Барноев бошчилигида мутасаддилар туман тиббиёт бирлашмасида олиб борилаётган қурилиш ва таъмирлаш ишлари ҳамда куз-қиш мавсумига тайёргарлиги, иситиш тизимларининг созлик ҳолатлари билан яқиндан танишди.
Дастлаб, туман ҳокими У.Барноев айни кунларда қурилиш ишлари якунланган, ҳозирги пайтда эса мебель жиҳозлари билан биргаликда тиббиёт ускуналари ўрнатилаётган 50 шифо ўринга мўлжалланган туманлараро қўшма жароҳатлар ва қон томир жарроҳлиги бўлимини кўздан кечирди.
Ушбу тиббиёт бўлими Бухоро, Пешку ва Ромитан туманлари аҳолисига хизмат кўрсатиши режалаштирилган.
Шунингдек, туман ҳокими тиббиёт бирлашмасини куз-қиш мавсумига тайёргарлиги, жумладан, табиий газ, электр энергияси тармоқлари, иссиқ ва совуқ сув, канализация тизимларининг ишлаш тизими билан ҳам танишиб, бу борада йўл қўйилаётган камчиликларни бартараф этиш ҳамда табиий газ ва электр энергиясидан тежамкорлик билан фойдаланиш бўйича мутасаддиларга зарур топшириқларни берди.
